لندن ( سپورٹس ڈیسک) ون ڈے کرکٹ میں ایک ہی روز کے دوران سب سے زیادہ سنچریز بننے کا نیا ریکارڈ قائم ہوگیا۔تفصیلات کے مطابق گزشتہ روز کھیلے گئے تین ون ڈے میچز میں مجموعی طور پر 6 سنچریز اسکور کی گئیں، جو ایک دن میں بننے والی سب سے زیادہ ون ڈے سنچریز ہیں۔ان میں سب سے زیادہ 3 سنچریز ویسٹ انڈیز اور بھارت کے درمیان کھیلے گئے میچ میں بنیں۔ ویسٹ انڈیز کی جانب سے جسٹن گریوز نے 101 رنز کی اننگز کھیلی۔جواب میں بھارتی کپتان شبمان گل نے 110 جبکہ ویرات کوہلی نے ریکارڈ ساز ناقابلِ شکست 139 رنز کی شاندار اننگز کھیلی۔جنوبی افریقا اور آسٹریلیا کے درمیان میچ میں 2 سنچریز بنیں۔ جنوبی افریقی کپتان ٹیمبا باووما نے 103 اور ڈیوڈ ملر نے 142 رنز کی عمدہ اننگز کھیل کر ٹیم کی کامیابی میں اہم کردار ادا کیا۔انگلینڈ اور سری لنکا کے درمیان میچ میں انگلش اوپنر ٹام بینٹن نے 126 رنز کی اننگز کھیلی اور اپنی ٹیم کو مضبوط بنیاد فراہم کی۔آسٹریلیا اور سری لنکا کی ٹیمیں سنچری اسکور کرنے میں ناکام رہیں اور یوں اس منفرد ریکارڈ میں ان کا کوئی کھلاڑی شامل نہ ہوسکا۔
