تہران( مانیٹرنگ ڈیسک)ایران کے مختلف شہروں تہران، تبریز، اصفہان اور کرج میں دھماکوں کی آوازیں سنی گئی ہیں جس کے بعد خطے میں کشیدگی میں مزید اضافہ ہو گیا ہے۔اسرائیلی فوج کے مطابق اس کی فضائیہ نے مغربی اور وسطی ایران میں فوجی اہداف کو نشانہ بنایا ہے۔ اسرائیلی حکام کا کہنا ہے کہ یہ کارروائی ایران کی جانب سے کیے گئے حملوں کے جواب میں کی گئی ہے۔دوسری جانب سابق امریکی صدر ڈونلڈ ٹرمپ نے اسرائیل کو جوابی کارروائی سے گریز کرنے کا مشورہ دیتے ہوئے کہا تھا کہ ایرانی حملوں سے کسی بڑے نقصان کی اطلاع نہیں ملی، اس لیے امید ہے کہ صورتحال مزید نہ بگڑے۔اسرائیلی میڈیا رپورٹس کے مطابق اسرائیلی وزیراعظم نے امریکی صدر کو ایران پر ممکنہ کارروائی سے آگاہ کیا تھا، جس پر ٹرمپ نے واضح کیا کہ اگر ایسا ہوا تو امریکا اس میں براہ راست حصہ نہیں لے گا۔خطے میں حالیہ پیش رفت کے بعد صورتحال انتہائی حساس قرار دی جا رہی ہے اور عالمی سطح پر اس پر گہری نظر رکھی جا رہی ہے۔
