آئیووا میں افسوسناک فائرنگ، ایک شخص نے 6 افراد کو قتل کر کے خودکشی کر لی

ہیوسٹن ( مانیٹرنگ ڈیسک) امریکی ریاست آئیووا کے ایک علاقے میں فائرنگ کے افسوسناک واقعے میں ایک شخص نے اپنے ہی خاندان کے 6 افراد کو قتل کرنے کے بعد خودکشی کر لی۔پولیس کے مطابق 4 لاشیں ایک گھر سے جبکہ مزید 2 لاشیں قریبی مقامات سے برآمد ہوئیں۔ مرنے والوں میں 2 بچے بھی شامل ہیں۔حکام نے بتایا کہ ابتدائی تحقیقات کے مطابق یہ واقعہ گھریلو تنازع کا نتیجہ معلوم ہوتا ہے، تاہم معاملے کی مکمل تحقیقات شروع کر دی گئی ہیں۔پولیس نے حملہ آور کی شناخت 52 سالہ ریان فیلس مکفارلینڈ کے نام سے کی ہے۔ حکام کے مطابق ملزم کا مجرمانہ ریکارڈ بھی موجود تھا، تاہم مقتولین کی مکمل شناخت اور عمریں ابھی واضح نہیں کی جا سکیں۔واضح رہے کہ مسکاٹائن شہر تقریباً 24 ہزار آبادی پر مشتمل ہے اور یہ ریاست آئیووا کے دارالحکومت ڈیس موئنز سے تقریباً 155 میل مشرق میں واقع ہے۔