کان پور ( مانیٹرنگ ڈیسک)بھارتی شہر کان پور میں دو انجن والا تربیتی طیارہ حادثے کا شکار ہوکر تباہ ہوگیا، جس کے نتیجے میں پائلٹ اور انسٹرکٹر جان کی بازی ہار گئے۔بھارتی ذرائع ابلاغ کے مطابق اطالوی ساختہ ٹیکنام طیارے نے صبح ساڑھے 11 بجے پرواز کی تھی، تاہم تقریباً 11 بج کر 50 منٹ پر تربیتی مرکز واپس جاتے ہوئے حادثے کا شکار ہوگیا۔رپورٹس کے مطابق طیارہ حادثے کی وجوہات تاحال معلوم نہیں ہوسکیں، جبکہ واقعے کی تحقیقات جاری ہیں۔
