ماسکو( ویب ڈیسک) روس کے فوجی سیٹلائٹس خلا میں ایک پراسرار اور غیر معمولی حرکت کرتے ہوئے ایک دوسرے کے انتہائی قریب آ گئے۔ماہرینِ فلکیات کے مطابق روس کے دو فوجی سیٹلائٹس کو خلا میں اس وقت دیکھا گیا جب وہ ایک دوسرے کے اتنے قریب آ گئے کہ ان کے درمیان فاصلہ صرف چند میٹر رہ گیا، جس نے عالمی ماہرین کی توجہ حاصل کر لی۔یہ دونوں سیٹلائٹس فروری 2025 میں روس کے خلائی ادارے کی جانب سے خلا میں بھیجے گئے تھے۔ حالیہ مشاہدے کے دوران یہ تقریباً 585 کلومیٹر کی بلندی پر مدار میں گردش کرتے ہوئے ایک دوسرے کے قریب آئے۔خلائی نگرانی کرنے والی امریکی کمپنی کے مطابق یہ صورتحال معمول کی نہیں تھی بلکہ دونوں سیٹلائٹس کی حرکات انتہائی درست اور منظم انداز میں تھیں، جس سے اندازہ ہوتا ہے کہ یہ کوئی معمولی گزر نہیں بلکہ ایک پیچیدہ اور ممکنہ طور پر تجرباتی عمل ہو سکتا ہے۔ماہرین نے اس واقعے کے بعد خلا میں نگرانی اور ممکنہ خطرات کے حوالے سے سوالات اٹھا دیے ہیں، جبکہ اس غیر معمولی قربت نے بین الاقوامی سطح پر خلائی سرگرمیوں پر نئی بحث چھیڑ دی ہے۔
