تہران( مانیٹرنگ ڈیسک) چاہ بہار میں امریکی حملوں کے بعد چاہ بہار فری زون میں موجود گوداموں سے گاڑیوں کو محفوظ مقامات پر منتقل کرنے کا عمل شروع کر دیا گیا ہے۔ایرانی سرکاری نشریاتی ادارے کے مطابق ایران کی واحد سمندری بندرگاہ اور عالمی تجارت کے لیے اہم مرکز چاہ بہار فری زون آرگنائزیشن کے سربراہ نے بتایا کہ حکام نے گوداموں میں موجود گاڑیوں کو محفوظ مقامات پر منتقل کرنے کا فیصلہ کیا ہے۔عہدیدار کے مطابق نصف شب تک گوداموں سے 300 گاڑیاں منتقل کی جا چکی تھیں، جبکہ مزید 100 گاڑیاں صبح ہونے سے قبل نکال لی گئیں۔حکام کا کہنا ہے کہ حملوں کے بعد احتیاطی اقدامات کے طور پر گوداموں میں موجود گاڑیوں کو محفوظ مقامات پر منتقل کیا جا رہا ہے۔
