ممبئی( شو بز ڈیسک)بالی ووڈ اداکار وجے ورما ایک بار پھر اپنی نجی زندگی کے باعث سوشل میڈیا پر توجہ کا مرکز بن گئے ہیں۔ حالیہ تقریب میں انہیں ایک خاتون کے ساتھ دیکھا گیا، جس کے بعد ان کے نئے رشتے سے متعلق قیاس آرائیاں شروع ہوگئیں۔سوشل میڈیا پر وائرل ویڈیو میں وجے ورما اور خاتون کو میڈیا کے سامنے تصاویر بنواتے دیکھا جاسکتا ہے۔ دونوں خوشگوار انداز میں ایک ساتھ کھڑے نظر آئے، جس کے بعد مداحوں اور صارفین کی دلچسپی بڑھ گئی۔ویڈیو سامنے آنے پر صارفین نے سوال اٹھایا کہ آیا اداکار نے اپنی نئی محبت کو منظر عام پر لانے کا فیصلہ کرلیا ہے، تاہم وجے ورما کی جانب سے اس حوالے سے کوئی باضابطہ تصدیق سامنے نہیں آئی۔’مرزا پور‘ کے اداکار 2023 سے اداکارہ تمنا بھاٹیا کے ساتھ رومانوی تعلق میں تھے، تاہم دونوں نے 2025 میں باہمی رضامندی سے علیحدگی اختیار کرلی تھی۔تمنا بھاٹیا سے بریک اپ کے بعد وجے ورما کا نام فلم ’گستاخ عشق‘ کی ساتھی اداکارہ فاطمہ ثناء شیخ کے ساتھ بھی جوڑا گیا، تاہم دونوں نے کبھی اپنے درمیان رومانوی تعلق کی تصدیق نہیں کی۔اب نئی ویڈیو کے بعد اداکار کی نجی زندگی ایک بار پھر زیر بحث ہے، تاہم ان کے ساتھ نظر آنے والی خاتون سے تعلق کی نوعیت فی الحال واضح نہیں۔
