یوٹیوب نے کم معیار کے مواد پر مونیٹائزیشن سخت کرنے کا فیصلہ کر لیا

کیلیفورنیا( ویب ڈیسک)ویڈیو شیئرنگ پلیٹ فارم یوٹیوب نے کم معیار، غیر منفرد اور بار بار دہرائے جانے والے مواد کی حوصلہ شکنی کے لیے اپنی مونیٹائزیشن پالیسی میں اہم تبدیلیوں کا اعلان کر دیا ہے۔نئی پالیسی کے تحت یوٹیوب ایسے مواد کے خلاف کارروائی کرے گا جسے وہ غیر معیاری، غیر مؤثر یا ناظرین کے لیے غیر اطمینان بخش قرار دیتا ہے۔ اس اقدام کا مقصد مصنوعی، نقل شدہ یا ایک ہی طرز کے فارمولوں پر مبنی ویڈیوز کی حوصلہ شکنی کرنا ہے۔یوٹیوب کے مطابق ایسے ویڈیوز جن میں دوسروں کے مواد کی نقل، توجہ حاصل کرنے کے لیے بار بار ایک جیسے حربے، انگیجمنٹ بیٹ یا تخلیقی انداز کے بجائے دہرائے جانے والے سانچے استعمال کیے جائیں، وہ مونیٹائزیشن کے لیے نااہل قرار دیے جا سکتے ہیں۔کمپنی نے واضح کیا ہے کہ اب اصل، منفرد اور معیاری مواد تخلیق کرنے والے چینلز کو ترجیح دی جائے گی، جبکہ صرف زیادہ ویوز، رسائی یا انگیجمنٹ حاصل کرنے کے لیے تیار کیے گئے عمومی یا ایک جیسے ٹیمپلیٹس پر مبنی مواد کی مونیٹائزیشن متاثر ہو سکتی ہے۔نئی ہدایات کے مطابق جذباتی یا مصنوعی انداز سے ناظرین کو متوجہ کرنے والی اور حد سے زیادہ دہرائے جانے والے فارمیٹ پر مبنی ویڈیوز کو بھی پالیسی کی خلاف ورزی تصور کیا جا سکتا ہے۔