ارجنٹینا( سپورٹس ڈیسک)فیفا ورلڈکپ 2026 کے 96 میچز کے بعد ارجنٹینا سب سے زیادہ گول کرنے والی ٹیم کے طور پر سامنے آگئی ہے۔غیر ملکی خبر ایجنسی کے مطابق ورلڈکپ 2026 کے 96 مقابلوں میں اب تک مجموعی طور پر 280 گول کیے جا چکے ہیں۔ارجنٹینا نے 14 گول کے ساتھ ٹورنامنٹ میں سب سے زیادہ گول کرنے والی ٹیم کا اعزاز حاصل کیا، جبکہ ارجنٹائن کے کپتان لیونل میسی 8 گول کے ساتھ ورلڈکپ کے ٹاپ اسکورر رہے۔ اس کے ساتھ ہی ورلڈکپ مقابلوں میں میسی کے مجموعی گولز کی تعداد 21 ہوگئی۔ورلڈکپ کی تاریخ میں پہلی بار ایک ہی ایڈیشن کے دوران 3 کھلاڑیوں نے 7 یا اس سے زائد گول اسکور کیے۔ میسی کے علاوہ کیلیان ایمباپے اور ایرلنگ ہالینڈ نے بھی 7،7 گول کرکے ٹاپ اسکوررز میں جگہ بنائی۔ایمباپے نے ورلڈکپ کے ناک آؤٹ مرحلے میں اپنے گولز کی تعداد بڑھا کر 11 کرلی، جو ایک نمایاں ریکارڈ بن گیا ہے۔رپورٹ کے مطابق فیفا ورلڈکپ کی تاریخ میں اب تک 3 ہزار گول مکمل ہو چکے ہیں، جبکہ تاریخی 3 ہزار واں گول ارجنٹینا کے اینزو فرنانڈیز نے کیا۔کھیلوں کی غیر ملکی ویب سائٹ کے مطابق ورلڈکپ 2026 میں اب تک 259 یلو کارڈز اور 14 ریڈ کارڈز بھی دکھائے جا چکے ہیں۔
