لاہور (سپورٹس ڈیسک) ٹیسٹ کرکٹ کی 150 ویں سالگرہ کے موقع پر پاکستان کے 3 سابق کپتانوں ظہیر عباس، وسیم اکرم اور وقار یونس کو مدعو کر لیا گیا ہے۔اس تاریخی موقع پر آسٹریلیا اور انگلینڈ کی ٹیمیں 11 سے 15 مارچ 2027 تک میلبرن کرکٹ گراؤنڈ میں خصوصی ٹیسٹ میچ کھیلیں گی۔کرکٹ آسٹریلیا اس موقع پر مختلف تقریبات کا اہتمام کرے گا اور دنیا بھر سے مہمانوں کو مدعو کیا جا رہا ہے۔ ذرائع کے مطابق دیگر ممالک کے سابق کپتانوں اور نامور کھلاڑیوں کے علاوہ آسٹریلیا اور انگلینڈ کے سابق اور عمر رسیدہ کرکٹرز بھی تقریبات میں شریک ہوں گے۔کرکٹ آسٹریلیا اس یادگار موقع پر خصوصی طور پر تیار کردہ سووینیئرز بھی پیش کرے گا۔
