میرپور (سپورٹس ڈیسک) ویسٹ انڈیز کے اسپنر جومیل واریکن کی تباہ کن بولنگ کے سامنے بنگلادیشی بیٹنگ لائن نہ ٹھہر سکی اور میزبان ٹیم پہلی اننگز میں 272 رنز بنا کر آؤٹ ہوگئی۔دوسرے روز بنگلادیش نے 3 وکٹوں کے نقصان پر 213 رنز سے کھیل کا آغاز کیا، تاہم آخری 7 وکٹیں صرف 59 رنز کے اضافے پر گر گئیں۔ بنگلادیش کی آخری 5 وکٹیں محض 19 رنز پر گریں، جبکہ لٹن داس 34 رنز بنا کر ناٹ آؤٹ رہے۔جومیل واریکن نے 53 رنز دے کر 5 وکٹیں حاصل کیں۔ ٹیسٹ کیریئر میں یہ پانچویں مرتبہ ہے کہ انہوں نے ایک اننگز میں 5 وکٹیں حاصل کیں۔شدمان اسلام نے دوسرے روز اپنی تیسری ٹیسٹ سنچری مکمل کرتے ہوئے 234 گیندوں پر 105 رنز بنائے، جن میں 11 چوکے شامل تھے۔ تاہم وہ ڈیبیو کرنے والے اسپنر جوشوا بشپ کی پہلی ٹیسٹ وکٹ بن گئے۔جوشوا بشپ نے مجموعی طور پر 2 وکٹیں حاصل کیں، جبکہ شمار جوزف نے بھی 2 بنگلادیشی کھلاڑیوں کو آؤٹ کیا۔
