مظفرآباد(پاکستان خبر) آزاد کشمیر کے علاقے راولاکوٹ میں امن و امان کی صورتحال اس وقت کشیدہ ہو گئی جب فائرنگ اور تشدد کے واقعات میں متعدد سکیورٹی اہلکار زخمی ہو گئے۔سکیورٹی ذرائع کے مطابق ڈیوٹی پر موجود اہلکار علاقے میں امن و امان برقرار رکھنے اور شہریوں کے تحفظ کے لیے فرائض انجام دے رہے تھے کہ اس دوران انہیں حملوں کا سامنا کرنا پڑا۔اطلاعات کے مطابق اس سے قبل بھی علاقے میں سرکاری املاک کو نقصان پہنچانے اور سکیورٹی اہلکاروں پر حملوں کے واقعات رپورٹ ہو چکے ہیں۔ماہرین کا کہنا ہے کہ مسلسل پرتشدد واقعات سے خطے میں حالات مزید کشیدہ ہو رہے ہیں اور امن و استحکام کے لیے مؤثر اقدامات کی ضرورت ہے۔
