کراچی ( شو بز ڈیسک)پاکستانی اداکارہ درفشاں سلیم لاہور میں ہونے والے لام فیشن ویک میں معروف برانڈ ’میہا آفیشل‘ کی شو اسٹاپر بنیں، تاہم ان کے لباس کی وجہ سے سوشل میڈیا پر نئی بحث چھڑ گئی۔اداکارہ نے تقریب میں پیچ رنگ کا خوبصورت لہنگا پہن کر ریمپ پر واک کی، جسے دیکھ کر صارفین کو اداکارہ ماورا حسین کا لباس یاد آگیا۔دراصل اسی فیشن برانڈ نے 2024 میں ماورا حسین کو بھی شو اسٹاپر کے طور پر تقریباً اسی طرز کا لہنگا پہنایا تھا۔ دونوں اداکاراؤں کے ملبوسات میں مماثلت سامنے آنے کے بعد سوشل میڈیا پر ان کے لباس کا موازنہ کیا جانے لگا۔بعض صارفین نے دونوں اداکاراؤں کے انداز کو سراہتے ہوئے انہیں خوبصورت قرار دیا، جبکہ دیگر نے سوال اٹھایا کہ درفشاں سلیم جیسی مقبول اداکارہ کے لیے منفرد لباس کیوں تیار نہیں کیا گیا۔
