کراچی (شو بز ڈیسک) پاکستانی اداکارہ حنا الطاف نے کراچی کو جیل قرار دیتے ہوئے کہا ہے کہ لڑکیوں کے لیے زندگی گزارنا اور سڑکوں پر آزادانہ چلنا مشکل ہے۔حنا الطاف ان دنوں لندن میں چھٹیاں گزار رہی تھیں۔ کراچی روانگی سے چند گھنٹے قبل انہوں نے ایک ویڈیو بنائی، جس میں لندن میں اپنے قیام کو شاندار قرار دیا۔اداکارہ نے ویڈیو میں کہا کہ کراچی کی پرواز سے پہلے انہوں نے لندن میں آخری ناشتہ کرنے کا سوچا، کیونکہ واپس کراچی جا کر انہیں جیل میں قید ہونے جیسا محسوس ہوگا۔ ان کے بقول وہاں لڑکیاں زندگی نہیں گزار سکتیں اور نہ ہی سڑکوں پر آزادانہ چل سکتی ہیں، لڑکی ہونا ہی ہمارے ملک میں گناہ ہے۔حنا الطاف نے کہا کہ وہ لندن میں اپنی آزادی کے آخری چند گھنٹے گزار رہی ہیں اور لندن نے ان کے ساتھ بہت اچھا سلوک کیا۔اداکارہ کی ویڈیو سامنے آنے کے بعد سوشل میڈیا پر ملا جلا ردعمل سامنے آیا۔ بعض صارفین نے اپنے شہر پر تنقید کرنے پر انہیں آڑے ہاتھوں لیا، جبکہ کچھ نے ان کے مؤقف سے اتفاق کیا۔
