کراچی (شو بز ڈیسک) پاکستانی اداکار شاہ ویر کادوانی اپنے نئے ڈرامے کی ساتھی اداکارہ عینا آصف کے ساتھ تصاویر شیئر کرنے پر سوشل میڈیا صارفین کی تنقید اور دلچسپ تبصروں کی زد میں آگئے۔شاہ ویر کادوانی نے حال ہی میں انسٹاگرام پر ڈرامے کی نئی قسط کے پسِ پردہ مناظر شیئر کیے، جن میں دونوں اداکار مختلف انداز میں پوز دیتے دکھائی دے رہے ہیں۔ تصاویر میں شاہ ویر سیاہ سوٹ جبکہ عینا آصف ہلکے نیلے رنگ کے لباس میں نظر آئیں۔تصاویر سامنے آنے کے بعد صارفین نے شاہ ویر کی اداکاری اور انداز پر تبصرے کیے۔ ایک صارف نے طنزیہ انداز میں لکھا کہ یہ واحد شخص ہے جو ارجن کپور کو آسانی سے شکست دے سکتا ہے، جبکہ دوسرے نے تبصرہ کیا کہ ’’بھائی آپ نے تو رونگٹے کھڑے کر دیے۔‘‘دوسری جانب متعدد مداح شاہ ویر کادوانی کی حمایت کرتے اور ان کی تعریف کرتے بھی دکھائی دیے۔
