کینیڈین جنگلاتی آگ کا دھواں، نیویارک اور نیو جرسی میں فضائی آلودگی کا الرٹ

نیویارک( سپورٹس ڈیسک) کینیڈا میں جاری جنگلاتی آگ کے باعث اٹھنے والا دھواں امریکا کی ریاستوں نیویارک اور نیو جرسی تک پہنچ گیا ہے، جس کے بعد حکام نے شہریوں کے لیے فضائی آلودگی سے متعلق صحت کا الرٹ جاری کر دیا۔برطانوی نشریاتی ادارے کے مطابق حکام نے شہریوں کو ہدایت کی ہے کہ وہ غیر ضروری طور پر گھروں سے باہر نکلنے سے گریز کریں اور ایسی سرگرمیوں سے بچیں جن میں زیادہ جسمانی مشقت درکار ہو۔دوسری جانب 19 جولائی کو اسپین اور ارجنٹینا کے درمیان فیفا ورلڈکپ کا فائنل نیویارک نیو جرسی اسٹیڈیم میں کھیلا جانا ہے، جہاں 80 ہزار سے زائد شائقین کی آمد متوقع ہے۔حکام کی جانب سے تاحال فائنل میچ کے انعقاد میں کسی تبدیلی کا اعلان نہیں کیا گیا، تاہم دھند اور آلودہ فضاء کے باعث صورتحال پر نظر رکھی جا رہی ہے۔ماہرین کے مطابق جنگلاتی آگ کا دھواں انسانی صحت کے لیے نقصان دہ ہو سکتا ہے، خاص طور پر بچوں، بزرگوں اور سانس کے مسائل سے دوچار افراد کو احتیاطی تدابیر اختیار کرنے کی ضرورت ہوتی ہے۔