کراچی (کامرس ڈیسک) کراچی چیمبر آف کامرس کے صدر طلعت محمود نے نارتھ کراچی صنعتی علاقے کے ایک صنعتکار اور تاجر رہنما کے خلاف کراچی واٹر اینڈ سیوریج کارپوریشن ایکٹ 2023 کے تحت مقدمہ درج کرنے کی شدید مذمت کرتے ہوئے اسے بظاہر انتقامی اقدام قرار دیا ہے۔انہوں نے کہا کہ اس کارروائی سے متعلقہ حکام کے طرزِ عمل اور نیت پر سنگین سوالات اٹھتے ہیں۔ طلعت محمود نے مقدمے کے پس منظر اور حالات پر تشویش کا اظہار کرتے ہوئے بتایا کہ مذکورہ صنعتکار نارتھ کراچی کے صنعتی علاقے میں کام کرنے والے صنعتکاروں، کارخانوں کے مالکان اور چھوٹے و درمیانے درجے کے کاروباری اداروں کو درپیش پانی، گیس اور بجلی کے مسلسل بحرانوں کے خلاف آواز بلند کرتے رہے ہیں۔ان کا کہنا تھا کہ بنیادی سہولیات کے مسائل اجاگر کرنے والے صنعتکار کو نشانہ بنانا افسوس ناک ہے، لہٰذا مقدمہ واپس لیا جائے۔
صنعتکار کیخلاف مقدمہ انتقامی کارروائی ہے، فوری واپس لیا جائے، طلعت محمود
واپس خبروں پر
Category:
کامرس