لاہور( شوبز ڈیسک) پاکستان کے معروف مزاحیہ فنکار اور اسٹیج اداکار اللہ رکھا، جو اپنے اسٹیج نام پیپسی اور پانی پوری کے حوالے سے شہرت رکھتے تھے، 50 برس کی عمر میں انتقال کر گئے۔اللہ رکھا کے انتقال کی تصدیق ان کے ساتھی اداکار اور میزبان محسن عباس حیدر نے سوشل میڈیا پلیٹ فارم انسٹاگرام پر ایک اسٹوری کے ذریعے کی۔محسن عباس حیدر نے بتایا کہ اللہ رکھا کو ریکارڈنگ کے دوران دل کا دورہ پڑا جو جان لیوا ثابت ہوا۔مرحوم کی نمازِ جنازہ کے وقت اور مقام کا اعلان تاحال نہیں کیا گیا۔اللہ رکھا پیپسی اپنی منفرد ون مین کامیڈی پرفارمنس، اسٹیج شوز اور پیروڈی اداکاری کے باعث شائقین میں خاصی مقبولیت رکھتے تھے۔ ان کے اندازِ مزاح نے انہیں پاکستانی تفریحی دنیا میں نمایاں مقام دلایا۔
