لاہور( شوبز ڈیسک)اقراء کنول اور ان کے شوہر اریب کی جانب سے آن لائن جوا ایپ کی تشہیر کے مقدمے میں عبوری ضمانت کی درخواست پر فیصلہ محفوظ کر لیا گیا ہے۔لاہور کی سیشن کورٹ میں ایڈیشنل سیشن جج نصرت علی صدیقی نے کیس کی سماعت کی۔ سماعت کے دوران دونوں ملزمان عدالت میں پیش ہوئے اور اپنی حاضری مکمل کرائی۔ملزمان کی جانب سے وکیل محمد سلیم نے دلائل پیش کیے، جس کے بعد عدالت نے فریقین کے دلائل سننے کے بعد فیصلہ محفوظ کر لیا۔واضح رہے کہ نیشنل سائبر کرائم انویسٹی گیشن ایجنسی (این سی سی آئی اے) نے اقراء کنول اور اریب کے خلاف مقدمہ درج کر رکھا ہے۔
