تہران ( مانیٹرنگ ڈیسک) ایران اور امریکا کے درمیان ممکنہ معاہدے کی راہ ہموار کرنے کے لیے سفارتی کوششوں میں تیزی آگئی، قطری ثالث ایک مرتبہ پھر تہران پہنچ گئے ہیں۔برطانوی خبر رساں ادارے رائٹرز کے مطابق قطری ثالثوں کی ایرانی وزیر خارجہ عباس عراقچی سے ملاقات متوقع ہے۔ دونوں ممالک کے درمیان مجوزہ معاہدے کے امکانات پر گزشتہ 8 روز سے بات چیت جاری ہے۔رپورٹ کے مطابق ایران نے امریکا کے ساتھ معاہدے کا نیا مسودہ تیار کرکے متعلقہ فریقین کو بھیج دیا ہے۔ تہران نے اپنی تجاویز کو مختصر کرتے ہوئے مجوزہ معاہدے کے لیے ایک نیا لائحہ عمل پیش کیا ہے۔رائٹرز نے امکان ظاہر کیا ہے کہ ایران اور امریکا کے نمائندوں کے درمیان آئندہ چند روز میں ایک اور ملاقات بھی ہوسکتی ہے۔
ایران امریکا معاہدے کیلئے سفارتی سرگرمیاں تیز، قطری ثالث تہران پہنچ گئے
واپس خبروں پر
Category:
عالمی خبریں