میکسیکو(سپورٹس ڈیسک)(ویب ڈیسک) فیفا ورلڈ کپ 2026 کے پری کوارٹر فائنل میں مصر اور ارجنٹینا کے درمیان کھیلا گیا میچ متنازع صورتحال اختیار کر گیا، جس میں ریفری کے فیصلوں پر سوالات اٹھائے جا رہے ہیں۔تفصیلات کے مطابق سنسنی خیز مقابلے میں دفاعی چیمپئن ارجنٹینا نے مصر کو 2-3 سے شکست دے کر کوارٹر فائنل میں جگہ بنا لی۔مصر نے میچ کے دوسرے ہاف کے بیشتر حصے تک 0-2 کی برتری حاصل کر رکھی تھی، تاہم ارجنٹینا نے شاندار واپسی کرتے ہوئے مختصر وقت میں تین گول اسکور کیے اور مقابلہ اپنے نام کر لیا۔ارجنٹینا کی کامیابی کے بعد میچ آفیشلز کے بعض فیصلوں پر تنقید شروع ہو گئی۔ مصر کا ایک گول فاؤل قرار دے کر مسترد کر دیا گیا، جبکہ اختتامی لمحات سے قبل مصر کو ملنے والی مبینہ واضح پنالٹی بھی نہ دی گئی۔میچ کے دوران ارجنٹینا کے کھلاڑیوں کے بعض سخت فاؤلز پر بھی سوالات اٹھائے گئے، جن کی ویڈیوز سوشل میڈیا پر گردش کر رہی ہیں۔سوشل میڈیا صارفین کے علاوہ بعض ارجنٹینی کھلاڑیوں اور کوچ کی جانب سے بھی ریفری کے فیصلوں پر تحفظات کا اظہار کیا گیا، جبکہ کچھ صارفین نے میچ کو ارجنٹینا کے حق میں جانبدارانہ قرار دیا۔ تاہم میچ فکس ہونے کے دعووں کی آزاد ذرائع سے تصدیق نہیں ہو سکی۔
