مصر( سپورٹس ڈیسک) فیفا ورلڈ کپ کے پری کوارٹر فائنل میں ارجنٹینا کے ہاتھوں 2-3 سے ڈرامائی شکست کے بعد مصر کے فارورڈ مصطفیٰ زیکو نے ٹورنامنٹ کو فکس قرار دیتے ہوئے میچ آفیشلز پر شدید تنقید کی ہے۔مصطفیٰ زیکو نے دعویٰ کیا کہ ٹورنامنٹ کا رخ دفاعی چیمپئن ارجنٹینا کے حق میں موڑا جا رہا ہے اور میچ کے دوران ریفری کا رویہ مصر کے خلاف تھا۔مصر نے مقابلے کا شاندار آغاز کرتے ہوئے دوسرے ہاف کے آخری مرحلے تک 0-2 کی برتری حاصل کر رکھی تھی، تاہم لیونل میسی کی قیادت میں ارجنٹینا نے زبردست واپسی کرتے ہوئے مسلسل تین گول کیے اور کوارٹر فائنل میں جگہ بنا لی۔میچ کے بعد میڈیا سے گفتگو کرتے ہوئے مصطفیٰ زیکو نے کہا کہ ریفری کے فیصلے ابتدا ہی سے مصر کے خلاف نظر آ رہے تھے۔انہوں نے کہا کہ ریفری نے ایک پورے ملک کی محنت کو ضائع کر دیا اور واضح ناانصافی کی گئی۔مصطفیٰ زیکو نے مزید دعویٰ کیا کہ ایسا محسوس ہوتا ہے جیسے ٹورنامنٹ پہلے ہی کسی مخصوص ٹیم کے حق میں ترتیب دیا گیا ہو۔ تاہم ان الزامات کی آزاد ذرائع سے تصدیق نہیں ہو سکی۔
