ایلون مسک کی کمپنی نے مصنوعی ذہانت کا نیا تصویری ماڈل متعارف کرا دیا

کیلیفورنیا (ویب ڈیسک) ایلون مسک کی کمپنی اسپیس ایکس اے آئی نے ایمیجن 2.0 پیش کردیا، جسے گروک کی ویب سروس اور آئی فون و اینڈرائیڈ ایپس میں نئے معیار کے تصویری انداز کے طور پر شامل کیا گیا ہے۔کمپنی کے مطابق نیا ماڈل بالخصوص ایسی تخلیقی تصاویر تیار کرنے کے لیے بنایا گیا ہے جن میں درست ترتیب، واضح تحریر اور ایک جیسے بصری عناصر کو برقرار رکھنا ضروری ہو۔ایمیجن 2.0 تفصیلی ہدایات پر عمل، پیچیدہ ڈیزائن میں تحریر اور ترتیب کو درست رکھنے اور چھوٹے متن کو واضح انداز میں دکھانے کی صلاحیت رکھتا ہے۔ یہ صارف کی فراہم کردہ اشیا کو نئی تصاویر بنانے یا پہلے سے موجود تصاویر میں ترمیم کے دوران بھی برقرار رکھ سکتا ہے۔تاہم، نئے ماڈل تک اے پی آئی کے ذریعے رسائی فی الحال دستیاب نہیں، جسے بعد میں متعارف کرانے کا منصوبہ ہے۔