ممبئی( شوبز ڈیسک) بالی ووڈ کے معروف اداکار عمران ہاشمی نے پاکستان میں اپنے دوروں کے دوران ملنے والی محبت اور مہمان نوازی کو یاد کرتے ہوئے کہا ہے کہ لاہور کا دورہ ان کے لیے ایک ناقابلِ فراموش تجربہ تھا۔ایک بھارتی پوڈکاسٹ میں گفتگو کرتے ہوئے عمران ہاشمی نے بتایا کہ وہ اپنی فلم ’’آوارہ پن‘‘ کی ریلیز کے موقع پر مہیش بھٹ کے ہمراہ لاہور آئے تھے، جہاں مداحوں نے ان کا پرتپاک استقبال کیا۔انہوں نے کہا کہ پاکستان میں ملنے والی محبت اور شاندار مہمان نوازی نے انہیں حیران کر دیا تھا، اور وہاں کے لوگوں کا رویہ انتہائی خوشگوار اور یادگار تھا۔عمران ہاشمی کے مطابق پاکستان میں ہندی فلموں کے شائقین کی بڑی تعداد موجود ہے اور وہاں بھارتی فلموں کو بہت پسند کیا جاتا ہے۔انہوں نے اپنی فلم ’’جنت‘‘ کے دوران پیش آنے والے ایک واقعے کا ذکر کرتے ہوئے کہا کہ پاکستانی مداحوں کا جوش و خروش اس بات کا ثبوت ہے کہ ان کی فلموں کو وہاں بھرپور پذیرائی حاصل ہوئی۔
