ورلڈ کپ 2026 سے قبل انگلینڈ ٹیم کو دھچکا، کنساس سٹی میں ٹریننگ سامان چوری

کنساس سٹی( سپورٹس ڈیسک)کنساس سٹی میں فیفا ورلڈ کپ 2026 سے قبل انگلینڈ فٹبال ٹیم کو غیر متوقع صورتحال کا سامنا کرنا پڑا ہے جب ٹیم کے ٹریننگ سامان کی چوری کی واردات سامنے آئی ہے۔برطانوی میڈیا کے مطابق کنساس سٹی کے سووپ ساکر سٹی میں کھلاڑیوں کا سامان منتقل کرنے والی گاڑی کے تالے توڑ کر قیمتی اشیا چوری کی گئیں، جن میں ٹریننگ کے جوتے اور فٹبال بھی شامل ہو سکتے ہیں۔رپورٹس کے مطابق فٹبال ایسوسی ایشن اس بات کی تفصیلات جمع کر رہی ہے کہ کس نوعیت کا سامان چوری ہوا ہے اور کتنا نقصان پہنچا ہے۔میڈیا رپورٹس کے مطابق ٹیم کے کھلاڑی اور کوچنگ اسٹاف ہفتے کے روز کنساس سٹی پہنچیں گے، جبکہ ان کا سامان پہلے ہی شہر میں منتقل کیا جا چکا تھا۔پولیس حکام فٹبال ایسوسی ایشن کے ساتھ رابطے میں ہیں اور واقعے کی تحقیقات جاری ہیں۔ اس کیس میں شبے کے تحت دو افراد کو گرفتار بھی کیا گیا ہے۔رپورٹس کے مطابق یہ واقعہ کروشیا فٹبال ٹیم کے خلاف میچ کی تیاریوں پر اثر انداز ہو سکتا ہے، جبکہ انگلینڈ ٹیم اتوار کو اپنا پہلا ٹریننگ سیشن کرے گی۔