ویمن ٹی ٹوئنٹی ورلڈ کپ: انگلینڈ نے جنوبی افریقہ کو شکست دے کر فائنل میں جگہ بنا لی

لاہور ( سپورٹس ڈیسک)ویمن ٹی ٹوئنٹی ورلڈ کپ کے دوسرے سیمی فائنل میں انگلینڈ ویمن ٹیم نے جنوبی افریقہ ویمن ٹیم کو 40 رنز سے شکست دے کر فائنل کے لیے کوالیفائی کر لیا۔میچ میں انگلینڈ نے پہلے بیٹنگ کرتے ہوئے 5 وکٹوں کے نقصان پر 169 رنز اسکور کیے۔ ہدف کے تعاقب میں جنوبی افریقہ کی ٹیم مقررہ اوورز میں 129 رنز ہی بنا سکی۔جنوبی افریقہ کی جانب سے تزمین برٹس 51 رنز کے ساتھ نمایاں رہیں۔اس سے قبل آسٹریلیا ویمن ٹیم پہلے ہی فائنل کے لیے کوالیفائی کر چکی ہے، جہاں اب فائنل مقابلہ انگلینڈ اور آسٹریلیا کے درمیان اتوار کو کھیلا جائے گا۔