کراچی( شوبز ڈیسک) پاکستانی شوبز انڈسٹری کے معروف اداکار اور گلوکار فواد خان کا نیا انداز مداحوں کی توجہ کا مرکز بن گیا ہے۔فواد خان کی حالیہ تصاویر سوشل میڈیا پر تیزی سے وائرل ہو رہی ہیں، جن میں ان کا چہرہ پہلے کے مقابلے میں مختلف دکھائی دے رہا ہے۔اداکار کے نئے لُک پر سوشل میڈیا صارفین کی جانب سے مختلف آراء سامنے آ رہی ہیں۔ کچھ مداحوں کا کہنا ہے کہ فواد خان ہر انداز میں ہینڈسم نظر آتے ہیں، جبکہ بعض صارفین کے مطابق ان کے چہرے کے خدوخال ترک اداکاروں سے مشابہ لگ رہے ہیں۔دوسری جانب کچھ صارفین نے ان کے نئے انداز پر تنقید بھی کی اور قیاس آرائیاں کرتے ہوئے کہا کہ شاید انہوں نے جوان نظر آنے کے لیے کاسمیٹک تبدیلیاں یا سرجری کروائی ہیں۔تاہم فواد خان کی جانب سے اپنے نئے لُک یا اس حوالے سے گردش کرنے والی قیاس آرائیوں پر کوئی بیان سامنے نہیں آیا۔
