پشاور (پاکستان خبر) گورنر خیبر پختونخوا فیصل کریم کنڈی نے جمعیت علمائے اسلام کے سربراہ مولانا فضل الرحمان پر تنقید کرتے ہوئے کہا ہے کہ وہ دوسروں کو انصاف کی تلقین کرتے ہیں، لیکن خود قبضے کی جگہ پر بیٹھے ہیں۔گورنر ہاؤس پشاور میں صحافیوں سے گفتگو کرتے ہوئے فیصل کریم کنڈی کا کہنا تھا کہ مولانا فضل الرحمان خود تو حلوہ کھاتے ہیں، لیکن دوسروں کو اس سے روکتے ہیں۔انہوں نے کہا کہ مولانا فضل الرحمان اور آصف علی زرداری کے درمیان دوستی کا یہ مطلب ہرگز نہیں کہ زرداری صاحب کرپشن کے معاملے میں انہیں تحفظ فراہم کریں گے۔گورنر خیبر پختونخوا نے کہا کہ نیشنل ہائی وے اتھارٹی میں مولانا فضل الرحمان کے بیٹے پر عائد کرپشن کے الزامات کا بھی حساب ہونا چاہیے۔ ان کے بقول پاکستان ڈیموکریٹک موومنٹ کے دور حکومت میں سب سے زیادہ فائدہ جمعیت علمائے اسلام نے اٹھایا۔فیصل کریم کنڈی کا کہنا تھا کہ پی ڈی ایم دور میں جے یو آئی کو اس کی پسند کے محکمے دیے گئے، جن میں مذہبی امور، ہاؤسنگ اور مواصلات کی وزارتیں شامل تھیں۔ ان کے خیال میں شاید ہی کوئی بڑی وزارت باقی رہی ہو جو جمعیت علمائے اسلام کو نہ ملی ہو۔انہوں نے مزید کہا کہ اگر کرپشن کے الزامات ثابت ہوگئے تو متعلقہ افراد کو سزا بھگتنا پڑے گی۔
فضل الرحمان دوسروں کو انصاف کا درس دیتے ہیں، خود قبضے کی جگہ بیٹھے ہیں، فیصل کنڈی
واپس خبروں پر
Category:
پاکستان