اسلام آباد (پاکستان خبر) حکومت نے ملک میں دہشتگردی کے انسداد کے لیے انٹیلی جنس بنیادوں پر کیے جانے والے آپریشنز کا دائرہ بڑھانے کا فیصلہ کرلیا۔وزیراعظم شہباز شریف کی زیر صدارت قومی اور داخلی سلامتی سے متعلق اجلاس منعقد ہوا، جس میں گورنر خیبر پختونخوا فیصل کریم کنڈی نے مختلف شعبوں میں کیے گئے اقدامات پر تفصیلی بریفنگ دی۔اجلاس کے دوران خیبر پختونخوا کے 12 اضلاع میں امن و امان کی صورت حال کا جائزہ لیا گیا، جبکہ اے آر ڈی سی کی اب تک کی کارکردگی بھی زیر غور آئی۔وزیراعظم نے وفاقی و صوبائی حکومتوں اور قانون نافذ کرنے والے اداروں کے درمیان رابطوں اور باہمی تعاون کو مزید مؤثر بنانے کی ہدایت کی۔اجلاس میں خیبر پختونخوا کے لیے وفاقی حکومت کے 160 ارب روپے کے ترقیاتی پیکیج پر عمل درآمد کی پیش رفت کا بھی جائزہ لیا گیا۔
دہشتگردی کے خاتمے کیلئے انٹیلی جنس آپریشنز کا دائرہ وسیع کرنے کا فیصلہ
واپس خبروں پر
Category:
پاکستان