لاہور( شوبز ڈیسک) پاکستانی اداکارہ ہانیہ عامر ایک بار پھر اپنے لباس اور انداز کے باعث سوشل میڈیا پر تنقید کی زد میں آ گئی ہیں۔ہانیہ عامر نے لاہور میں معروف لگژری برانڈ وائی ایس ایل (YSL) کے پاکستان میں پہلے اسٹور کی افتتاحی تقریب میں شرکت کی، جہاں ان کے منفرد فیشن انداز نے صارفین کی توجہ حاصل کر لی۔اداکارہ نے سیاہ رنگ کا وائی ایس ایل لباس، ہلکا میک اپ اور ویٹ ہیئر لک اختیار کیا، جبکہ تقریب کی تصاویر اور ویڈیوز سوشل میڈیا پر تیزی سے وائرل ہو گئیں۔اگرچہ متعدد مداحوں نے ان کے فیشن سینس اور اسٹائل کو سراہا، تاہم سوشل میڈیا پر کئی صارفین نے ان کے لباس اور اسٹائلنگ کو تنقید کا نشانہ بنایا۔کچھ صارفین نے لباس کو غیر متاثر کن قرار دیا، جبکہ دیگر نے دلچسپ تبصرے کرتے ہوئے ان کے فیشن انتخاب پر مختلف آراء کا اظہار کیا۔
