تازہ ترین
سندھ کے تمام میئرز نے نئے صوبوں کی تجاویز مسترد کردیں محسن نقوی کی منصورہ آمد، امیر جماعت اسلامی سے اہم امور پر مشاورت شہباز شریف پانچ سال پورے کریں، پی ٹی آئی کو انگیج کرنا ہوگا: بلاول نئے صوبوں پر پیپلز پارٹی نہ مانی تو بھی راستہ نکلے گا: خواجہ آصف میں جارج بش نہیں، ایران کو جوہری طاقت نہیں بننے دیں گے: ٹرمپ ایران مذاکرات کا خواہاں، مگر امریکی شرائط ماننے کو تیار نہیں کریمیا پل پر حملہ، پیوٹن کا یوکرین سے مذاکرات کا انکار روس کی پاکستان اور افغانستان کے درمیان ثالثی کی پیشکش ایس آئی ایف سی کا فارماسیوٹیکل برآمدات اور ویکسین سازی میں خودکفالت کا عزم ملک بھر میں دسمبر سے بجلی 4 روپے 22 پیسے فی یونٹ مہنگی ہونے کا خدشہ اوگرا نے جیٹ فیول، مٹی کے تیل اور لائٹ ڈیزل سستا کر دیا، نئی قیمتوں کا اطلاق آج سے پاکستان اسٹاک ایکسچینج میں تیزی، سرمایہ کاروں کو اربوں منافع سعودی عرب میں کرکٹ تیزی سے فروغ پارہی: آفریدی پی سی بی سینٹرل کنٹریکٹس، رضوان، صائم اور شان باہر انگلینڈ کو بڑا دھچکا، کپتان ہیری کین زخمی ہوکر باہر بال ٹیمپرنگ تنازع: جوش ہیزل ووڈ پیٹ کمنز کے حامی
پاکستان خبر

ایل پی جی مہنگی، سرکاری اور مارکیٹ نرخوں میں 300 روپے فی کلو فرق

ایل پی جی مہنگی، سرکاری اور مارکیٹ نرخوں میں 300 روپے فی کلو فرق

اسلام آباد ( کامرس ڈیسک)ملک بھر میں ایل پی جی کی قیمتوں میں کمی نہ آسکی اور سرکاری نرخوں کے مقابلے میں مارکیٹ میں گیس تقریباً 300 روپے فی کلو مہنگی فروخت ہو رہی ہے، جس کے باعث صارفین 550 سے 600 روپے فی کلو تک قیمت ادا کرنے پر مجبور ہیں۔ایل پی جی امپورٹرز ایسوسی ایشن نے سکیورٹی خدشات اور سرحدی راستوں کی بندش کے باعث نومبر میں قیمتوں میں مزید اضافے اور سپلائی متاثر ہونے کا خدشہ ظاہر کیا ہے۔ ایسوسی ایشن کے مطابق ایران سے تفتان بارڈر کے ذریعے گیس کی ترسیل جاری ہے، تاہم بلوچستان میں سکیورٹی مسائل کے باعث ایل پی جی باؤزرز کی آمد میں تاخیر ہو رہی ہے۔ پہلے یہ باؤزر 3 سے 4 روز میں پہنچتے تھے، جبکہ اب 10 سے 12 روز لگ رہے ہیں۔ایسوسی ایشن کے چیئرمین شیخ مکرم وحید کا کہنا ہے کہ حکومت اور اوگرا کو کئی ماہ سے مسائل سے آگاہ کیا جا رہا ہے، تاہم کوئی پیش رفت نہیں ہوئی۔ انہوں نے مطالبہ کیا کہ ایل پی جی کی ترسیل کے لیے مکمل سکیورٹی فراہم کی جائے۔دوسری جانب ایل پی جی ڈسٹری بیوٹرز ایسوسی ایشن نے اوگرا اور سول ڈیفنس کے چھاپوں کے خلاف 2 روزہ علامتی ہڑتال کی۔ ایسوسی ایشن کا مؤقف ہے کہ جب دکانداروں کو مہنگی گیس ملے گی تو وہ اسے کم قیمت پر کیسے فروخت کر سکتے ہیں، جبکہ ایک طرف جرمانے کیے جا رہے ہیں اور دوسری جانب ایل پی جی پمپس بھی اٹھائے جا رہے ہیں۔گیس کی مہنگائی نے رکشہ ڈرائیوروں کی مشکلات بھی بڑھا دی ہیں۔ رکشہ ڈرائیور عدنان سمیع خان کے مطابق اب پورا کلو گیس ڈلوانے کے پیسے بھی نہیں ہوتے اور کبھی 200 تو کبھی 300 روپے کی گیس ڈلوانی پڑتی ہے۔ ان کا کہنا تھا کہ کمائی کا بڑا حصہ گیس پر خرچ ہو جاتا ہے، سواری کم ملتی ہے اور گھریلو اخراجات پورے کرنا مشکل ہو گیا ہے۔ایل پی جی کی مہنگائی اور سرکاری نرخوں سے زائد قیمت پر فروخت کے باوجود اوگرا اور وزارت پٹرولیم کی جانب سے صورتحال پر قابو پانے کے لیے تاحال مؤثر اقدامات سامنے نہیں آئے۔