لارڈز میں ویمن ورلڈ کپ فائنل: ایم سی سی کا ممبرز سے سٹیڈیم آنے کی اپیل

لندن( سپورٹس ڈیسک) میری لیبون کرکٹ کلب (ایم سی سی) نے اپنے ممبرز سے درخواست کی ہے کہ وہ اتوار کو آئی سی سی ویمنز ٹی ٹوئنٹی ورلڈ کپ کا فائنل دیکھنے لازمی سٹیڈیم آئیں۔میڈیا رپورٹس کے مطابق ایم سی سی کے چیف ایگزیکٹو رابرٹ لاسن نے کلب ممبرز کو خط لکھا ہے جس میں کہا گیا ہے کہ وہ لارڈز میں ہونے والے فائنل میں شرکت ضرور کریں، چاہے انگلینڈ ٹیم فائنل کے لیے کوالیفائی کرے یا نہ کرے۔خط میں مزید کہا گیا ہے کہ ممبرز کی موجودگی سٹیڈیم کے ماحول اور کلب کی ساکھ کے لیے اہم ہے، جبکہ غیر حاضری کی صورت میں پیشگی اطلاع دینے کی بھی درخواست کی گئی ہے تاکہ خالی نشستوں کا بہتر انتظام کیا جا سکے۔واضح رہے کہ 2017 کے ویمن ورلڈ کپ فائنل میں بھی ممبرز کی نشستیں خالی رہنے پر ایم سی سی کو تنقید کا سامنا کرنا پڑا تھا، حالانکہ اس میچ میں انگلینڈ نے فتح حاصل کی تھی۔آئی سی سی ویمنز ٹی ٹوئنٹی ورلڈ کپ کا فائنل اتوار کو لارڈز کے تاریخی میدان میں آسٹریلیا اور انگلینڈ کے درمیان کھیلا جائے گا۔