لاہو ر(پاکستان خبر)اسپیکر قومی اسمبلی سردار ایاز صادق نے کہا ہے کہ وفاقی وزیر داخلہ محسن نقوی انہیں سونپی گئی ذمہ داریوں کے مطابق کام کرتے ہیں، جبکہ ہر وزیر اپنی وزارت کے امور انجام دے رہا ہے اور سب کا اپنا اپنا کردار ہے۔لاہور میں ایک تقریب سے خطاب کرتے ہوئے ایاز صادق کا کہنا تھا کہ وہ یہ سوال نہیں کرتے کہ کوئی آئینی ترمیم آرہی ہے یا نہیں، جب ترمیم آئے گی تو اس بارے میں معلوم ہوجائے گا۔انہوں نے کہا کہ ان کا کردار اس وقت شروع ہوگا جب حکومت کی جانب سے بتایا جائے گا کہ 28ویں آئینی ترمیم پیش کی جارہی ہے۔ وہ ترمیم کو اچھا یا برا قرار دینے کے بجائے اپنا کام سہولت فراہم کرنے تک محدود رکھیں گے۔