لاہور( شوبز ڈیسک)متنازع مذہبی شخصیت مفتی عبدالقوی کا ایک حالیہ پوڈکاسٹ میں دیا گیا بیان سوشل میڈیا پر توجہ کا مرکز بن گیا، جس میں انہوں نے خود کو ’’ٹھرکی‘‘ قرار دیا۔پوڈکاسٹ کے دوران میزبان فریحہ فرخ نے ان سے سوال کیا کہ کیا وہ خود کو ٹھرکی یا ’فلرٹ‘ سمجھتے ہیں؟ اس پر مفتی عبدالقوی نے جواب دیا، ’’جی، میں ٹھرکی ہوں، ہزار بار مانتا ہوں کہ میں ٹھرکی ہوں۔‘‘انہوں نے اپنے مؤقف کی وضاحت کرتے ہوئے کہا کہ وہ کھلے دل اور کھلے ذہن کے انسان ہیں، لوگوں کی شخصیت کا مشاہدہ کرنا ان کی عادت ہے اور وہ اسی کیفیت کو ’’ٹھرک‘‘ سے تعبیر کرتے ہیں۔ان کا یہ بیان سوشل میڈیا پر تیزی سے وائرل ہو گیا، جہاں صارفین کی جانب سے مختلف آرا سامنے آئیں۔ بعض افراد نے ایسے مہمان کو پوڈکاسٹ میں مدعو کرنے پر تنقید کی، جبکہ کچھ صارفین نے کہا کہ انہوں نے کم از کم اپنے بارے میں کھل کر اعتراف کیا ہے۔
