ممبئی (شوبز ڈیسک) بھارتی کامیڈین اور بگ باس 17 کے فاتح منور فاروقی نے اپنی اہلیہ کے ہمراہ معروف سوشل میڈیا اسٹار فیصل شیخ المعروف مسٹر فیصل کی شادی کے استقبالیے میں شرکت کی، جہاں دونوں کی آمد توجہ کا مرکز بن گئی۔سوشل میڈیا پر سامنے آنے والی ویڈیو میں منور فاروقی کو اپنی اہلیہ کے ساتھ تقریب میں پہنچتے دیکھا جاسکتا ہے۔ اس موقع پر دونوں خوشگوار موڈ میں نظر آئے اور تقریب کی رونقوں میں شریک ہوئے۔منور فاروقی بھارت کے معروف اسٹینڈ اپ کامیڈین ہیں، جو اپنے منفرد مزاحیہ انداز اور مختلف ریئلٹی شوز میں شرکت کے باعث شہرت رکھتے ہیں۔ وہ بگ باس کے 17ویں سیزن کے فاتح بھی رہ چکے ہیں۔دوسری جانب فیصل شیخ سوشل میڈیا کی مقبول شخصیات میں شمار ہوتے ہیں اور اپنے ڈیجیٹل مواد کے ذریعے بڑی تعداد میں مداح بنا چکے ہیں۔تقریب کی ویڈیو سوشل میڈیا پر سامنے آنے کے بعد مداحوں کو منور فاروقی اور ان کی اہلیہ کو ایک ساتھ دیکھنے کا موقع ملا۔
