نتھیا گلی( سپورٹس ڈیسک) گلیات ماؤنٹین ٹریل ریس میں 400 سے زائد ملکی اور غیر ملکی رنرز نے مختلف کیٹیگریز میں شرکت کی، جبکہ پاکستان کی پہلی 100 کلومیٹر ٹریل الٹرا میراتھون کے فاتحین کا اعلان کر دیا گیا۔100 کلومیٹر کیٹیگری میں اطیر اختر اور مزمل شہزاد مشترکہ طور پر فاتح قرار پائے، جبکہ خواتین کی کیٹیگری کا ٹائٹل انعم عزیر نے اپنے نام کیا۔گلیات ماؤنٹین ٹریل ریس کی 60 کلومیٹر کیٹیگری میں وقار احمد نے کامیابی حاصل کی، جبکہ 40 کلومیٹر کیٹیگری میں عطاء صمد اور شازیہ جمال فاتح قرار پائے۔اسی طرح 20 کلومیٹر ریس میں اسرار خٹک اور اٹلی کی الیگرا ایوٹو نے کامیابی حاصل کی۔منتظمین کے مطابق گلیات ماؤنٹین ٹریل ریس کی تمام کیٹیگریز کو انٹرنیشنل ٹریل رننگ ایسوسی ایشن سے منظوری حاصل تھی، جس کے باعث اس مقابلے میں ملکی و غیر ملکی کھلاڑیوں نے بھرپور شرکت کی۔
