لاہور ( سپورٹس ڈیسک) پاکستان کرکٹ ٹیم 13 جولائی کو اسلام آباد سے ویسٹ انڈیز کے دورے پر روانہ ہوگی۔اطلاعات کے مطابق قومی ٹیم 8 جولائی کو اسلام آباد میں رپورٹ کرے گی، جہاں ہیڈ کوچ کی نگرانی میں تیاریوں کا سلسلہ شروع ہوگا۔ ٹیم کو ویسٹ انڈیز میں دو ٹیسٹ میچز کھیلنے کے لیے 13 جولائی کو روانہ کیا جائے گا۔واضح رہے کہ قومی ریڈ بال ٹیم کا تربیتی کیمپ اس وقت لاہور میں جاری ہے، جس کے 2 جولائی کو مکمل ہونے کا امکان ہے۔پاکستان کرکٹ بورڈ کے مطابق ویسٹ انڈیز اور انگلینڈ کے دوروں کے لیے 17 رکنی ایک ہی اسکواڈ منتخب کیے جانے کا امکان ہے۔پاکستان ٹیم ویسٹ انڈیز میں پہلا ٹیسٹ 25 جولائی جبکہ دوسرا ٹیسٹ 2 اگست سے کھیلے گی۔ اس کے بعد انگلینڈ کے خلاف تین ٹیسٹ میچوں کی سیریز کا آغاز 19 اگست سے ہوگا۔
