لاہور (سپورٹس ڈیسک) قومی کرکٹ ٹیم کے فاسٹ بولر حارث رؤف کے نانا انتقال کرگئے، جس پر پاکستان کرکٹ بورڈ (پی سی بی) نے ان کے اہل خانہ سے تعزیت کا اظہار کیا ہے۔پی سی بی نے سماجی رابطے کی ویب سائٹ ایکس پر جاری بیان میں حارث رؤف کے نانا کے انتقال پر افسوس کا اظہار کرتے ہوئے کہا کہ بورڈ غم کی اس گھڑی میں حارث رؤف اور ان کے اہل خانہ کے ساتھ ہے۔ بیان میں دعا کی گئی کہ اللہ تعالیٰ مرحوم کی مغفرت فرمائے اور لواحقین کو صبر عطا کرے۔حارث رؤف سہ ملکی ون ڈے سیریز کے لیے قومی اسکواڈ کا حصہ ہیں۔ انہوں نے سیریز کے پہلے میچ میں سری لنکا کے خلاف 48 رنز دے کر 2 وکٹیں حاصل کی تھیں۔تاحال یہ واضح نہیں ہوسکا کہ حارث رؤف آج انگلینڈ کے خلاف میچ میں قومی ٹیم کی نمائندگی کریں گے یا نہیں۔
