لاہور ( سپورٹس ڈیسک) پاکستان نے شاندار کارکردگی کا مظاہرہ کرتے ہوئے 21ویں ورلڈ یوتھ اسکریبل چیمپئن شپ میں ساتویں مرتبہ عالمی ٹیم ٹائٹل اپنے نام کرلیا۔چیمپئن شپ میں پاکستانی کھلاڑیوں نے سب سے زیادہ ٹرافیاں حاصل کرکے عالمی سطح پر اپنی برتری برقرار رکھی۔ ٹیم مقابلے میں پاکستان نے پہلی پوزیشن حاصل کی، جبکہ انفرادی مقابلے میں آسٹریلیا کے دینتھ فرنینڈو عالمی چیمپئن قرار پائے۔انفرادی مقابلوں میں پاکستان کے تین کھلاڑی بہترین 10 کھلاڑیوں میں شامل رہے۔ احمد سلمان نے انڈر 16 کیٹیگری جبکہ احد صولت فاطمی نے انڈر 14 کیٹیگری کا عالمی اعزاز جیت لیا۔انڈر 12 مقابلے میں پاکستان کے مصطفیٰ فرحان نے دوسری پوزیشن حاصل کی
