کراچی (کامرس ڈیسک) ایران اور امریکا کے درمیان تنازع کے اثرات کے باعث خلیجی ممالک کو پاکستان کی برآمدات میں نمایاں کمی ریکارڈ کی گئی ہے۔ مارچ سے جون 2026 کے دوران پاکستانی برآمدات گزشتہ سال کے اسی عرصے کے مقابلے میں 32.3 فیصد گھٹ گئیں۔دستیاب دستاویز کے مطابق مارچ تا جون 2025 کے دوران خلیجی ممالک کو پاکستان کی برآمدات 98 کروڑ 6 لاکھ ڈالر تھیں، جو رواں سال اسی مدت میں کم ہوکر 66 کروڑ 37 لاکھ ڈالر رہ گئیں۔اعداد و شمار کے مطابق جولائی سے اکتوبر 2026 کے دوران بھی خلیجی ممالک کو پاکستانی برآمدات میں گزشتہ سال کے مقابلے میں 6.4 فیصد کمی ریکارڈ کی گئی۔ اس عرصے میں برآمدات 1 ارب 88 کروڑ 90 لاکھ ڈالر سے کم ہوکر 1 ارب 1 کروڑ 91 لاکھ ڈالر رہ گئیں۔دستاویز میں بتایا گیا ہے کہ مارچ سے جون 2026 کے دوران متحدہ عرب امارات کو پاکستان کی برآمدات میں 42.7 فیصد کمی ہوئی، جبکہ سعودی عرب کے لیے برآمدات 1.7 فیصد اور عمان کے لیے 25.1 فیصد گھٹ گئیں۔