تازہ ترین
سندھ کے تمام میئرز نے نئے صوبوں کی تجاویز مسترد کردیں محسن نقوی کی منصورہ آمد، امیر جماعت اسلامی سے اہم امور پر مشاورت شہباز شریف پانچ سال پورے کریں، پی ٹی آئی کو انگیج کرنا ہوگا: بلاول نئے صوبوں پر پیپلز پارٹی نہ مانی تو بھی راستہ نکلے گا: خواجہ آصف میں جارج بش نہیں، ایران کو جوہری طاقت نہیں بننے دیں گے: ٹرمپ ایران مذاکرات کا خواہاں، مگر امریکی شرائط ماننے کو تیار نہیں کریمیا پل پر حملہ، پیوٹن کا یوکرین سے مذاکرات کا انکار روس کی پاکستان اور افغانستان کے درمیان ثالثی کی پیشکش ایس آئی ایف سی کا فارماسیوٹیکل برآمدات اور ویکسین سازی میں خودکفالت کا عزم ملک بھر میں دسمبر سے بجلی 4 روپے 22 پیسے فی یونٹ مہنگی ہونے کا خدشہ اوگرا نے جیٹ فیول، مٹی کے تیل اور لائٹ ڈیزل سستا کر دیا، نئی قیمتوں کا اطلاق آج سے پاکستان اسٹاک ایکسچینج میں تیزی، سرمایہ کاروں کو اربوں منافع سعودی عرب میں کرکٹ تیزی سے فروغ پارہی: آفریدی پی سی بی سینٹرل کنٹریکٹس، رضوان، صائم اور شان باہر انگلینڈ کو بڑا دھچکا، کپتان ہیری کین زخمی ہوکر باہر بال ٹیمپرنگ تنازع: جوش ہیزل ووڈ پیٹ کمنز کے حامی
پاکستان خبر

پہلے ٹیسٹ میں پاکستانی ٹیم کی کارکردگی قابلِ اطمینان رہی، مائیک ہیسن

پہلے ٹیسٹ میں پاکستانی ٹیم کی کارکردگی قابلِ اطمینان رہی، مائیک ہیسن

راولپنڈی (سپورٹس ڈیسک) پاکستان کرکٹ ٹیم کے ہیڈ کوچ مائیک ہیسن نے سری لنکا کے خلاف پہلے ٹیسٹ میں کھلاڑیوں کی مجموعی کارکردگی پر اطمینان کا اظہار کرتے ہوئے کہا ہے کہ ٹاس ہارنے اور خراب موسم کے باعث 140 اوورز ضائع ہونے کے باوجود پاکستان نے میچ کے بیشتر حصوں میں برتری برقرار رکھی۔راولپنڈی کرکٹ اسٹیڈیم میں پریس کانفرنس کرتے ہوئے مائیک ہیسن نے کہا کہ ٹاس ہارنے کے بعد ابر آلود موسم اور خراب روشنی میں بیٹنگ کرنا آسان نہیں تھا، تاہم کھلاڑیوں نے مشکل حالات میں بھی عمدہ کھیل پیش کیا۔ انہوں نے ٹیسٹ ڈیبیو پر 7 وکٹیں حاصل کرنے والے ثاقب خان سمیت نوجوان کرکٹرز کی کارکردگی کو سراہا۔ان کا کہنا تھا کہ طیب عارف نے پہلی اننگز میں اچھی بیٹنگ کی، جبکہ محمد طحہ نے دونوں اننگز میں دباؤ کا کامیابی سے مقابلہ کیا۔ عرفات منہاس کی نصف سنچری اور ثاقب خان کی شاندار بولنگ بھی قابلِ تعریف رہی۔ہیڈ کوچ نے وکٹ کیپر بیٹر غازی غوری کی کارکردگی کو بھی سراہتے ہوئے کہا کہ انہوں نے 6 کیچز پکڑنے کے علاوہ وکٹوں کے پیچھے اعلیٰ معیار کی وکٹ کیپنگ کی اور بیٹنگ میں بھی اہم رنز بنائے۔سعود شکیل کے بار بار 90 رنز کے قریب آکر سنچری مکمل نہ کر پانے سے متعلق سوال پر مائیک ہیسن نے کہا کہ وہ ان کی کارکردگی سے مطمئن ہیں۔ 90 رنز تک پہنچنا بھی اچھی بیٹنگ ہے اور وہ اسے کوئی مسئلہ نہیں سمجھتے، کیونکہ بعض اوقات پچ اور کھیل کے حالات بھی بلے باز کی کارکردگی پر اثر انداز ہوتے ہیں۔بابر اعظم کے حوالے سے ان کا کہنا تھا کہ وہ رواں سال ٹیسٹ کرکٹ میں 50 سے زائد کی اوسط سے رنز بنا رہے ہیں اور 10 سے زیادہ اننگز کھیلنے والے کھلاڑیوں میں ان کی اوسط سب سے بہتر ہے، اس لیے ان کی کارکردگی کو مسئلہ قرار دینا مناسب نہیں۔مائیک ہیسن نے مزید کہا کہ مستقبل میں پاکستان میں ٹیسٹ میچز کے انعقاد کیلئے گلابی گیند کے استعمال پر بھی غور کیا جا سکتا ہے۔