پیراگوئے( سپورٹس ڈیسک)فیفا ورلڈ کپ میں جرمنی کے خلاف تاریخی کامیابی کے بعد پیراگوئے بھر میں جشن کا ماحول ہے، جبکہ ملک کے صدر سانتیاگو پینا نے قومی فٹبال ٹیم کی شاندار فتح پر 30 جون کو ملک گیر عام تعطیل کا اعلان کر دیا ہے۔پیراگوئے نے ناک آؤٹ مرحلے کے سنسنی خیز مقابلے میں جرمنی کو پنالٹی شوٹ آؤٹ میں شکست دے کر ایونٹ کا بڑا اپ سیٹ کر دیا۔ جنوبی امریکی ٹیم بہترین تیسری پوزیشن حاصل کرنے والی ٹیموں میں شامل ہو کر آخری 32 مرحلے تک پہنچی تھی، تاہم اس نے عالمی طاقت تصور کی جانے والی جرمن ٹیم کو ٹورنامنٹ سے باہر کر دیا۔ورلڈ کپ کی تاریخ میں یہ پہلا موقع ہے کہ جرمنی کو پنالٹی شوٹ آؤٹ میں شکست کا سامنا کرنا پڑا۔ سخت دباؤ کے ماحول میں کھیلے گئے شوٹ آؤٹ میں بالآخر جوزے کانالے نے فیصلہ کن پنالٹی اسکور کر کے اپنی ٹیم کو یادگار فتح دلا دی۔
