پیرس( سپورٹس ڈیسک) دفاعی چیمپئن سلووینیا کے سائیکلسٹ تیج پوگاکار نے ٹور ڈی فرانس سائیکل ریس کا تیسرا مرحلہ جیت لیا، جس کے بعد وہ یلو جرسی کے بھی حقدار بن گئے۔دنیا کی سب سے معتبر سائیکل ریس ٹور ڈی فرانس کا تیسرا مرحلہ 195.9 کلومیٹر فاصلے پر مشتمل تھا، جس میں سائیکلسٹس کو نسبتاً گرم موسم کا سامنا کرنا پڑا۔تیج پوگاکار نے شاندار کارکردگی کا مظاہرہ کرتے ہوئے جوناس ونگارڈ کو صرف دو سیکنڈ کے فرق سے پیچھے چھوڑ دیا۔ انہوں نے مقررہ فاصلہ 4 گھنٹے، 45 منٹ اور 11 سیکنڈ میں مکمل کیا۔27 سالہ پوگاکار ٹور ڈی فرانس کے چار مرتبہ کے چیمپئن رہ چکے ہیں اور وہ پانچویں مرتبہ یہ اعزاز حاصل کرنے کے لیے ریس میں شریک ہیں۔تیسرے مرحلے میں رچرڈ کیرا پاس نے تیسری پوزیشن حاصل کی، جبکہ پوگاکار کی کامیابی کے بعد ان کی ٹور ڈی فرانس میں پوزیشن مزید مضبوط ہو گئی ہے۔
