اسلام آباد (پاکستان خبر) وزیر مملکت برائے داخلہ سینیٹر طلال چوہدری نے پاکستان تحریک انصاف کو تنقید کا نشانہ بناتے ہوئے کہا ہے کہ سیاسی معاملات میں مفاہمت کے لیے دونوں جانب سے کوششیں ضروری ہیں، تالی ایک ہاتھ سے نہیں بج سکتی، پی ٹی آئی کو پہلے پارلیمانی کمیٹیوں میں واپس آنا چاہیے۔نجی ٹی وی کے پروگرام میں گفتگو کرتے ہوئے طلال چوہدری نے کہا کہ حکومت نے اپنے اتحادیوں کو اعتماد میں لیے بغیر کوئی قانون سازی یا آئینی ترمیم نہیں کی۔مخصوص نشستیں تحریک انصاف کو واپس دینے سے متعلق سوال پر وزیر مملکت نے کہا کہ تالی ایک ہاتھ سے نہیں بج سکتی، پی ٹی آئی کو پہلے پارلیمانی کمیٹیوں میں واپسی اختیار کرکے اپنی ذمہ داریاں پوری کرنی چاہئیں۔انہوں نے مزید کہا کہ صدر مملکت اور وزیراعظم کی جانب سے آج سامنے آنے والا بیان بہترین ہے اور تمام سیاسی جماعتوں کو اس پر عمل درآمد کرنا چاہیے۔
پی ٹی آئی پہلے پارلیمانی کمیٹیوں میں واپس آئے، تالی ایک ہاتھ سے نہیں بجتی، طلال چوہدری
واپس خبروں پر
Category:
پاکستان