لاہور( شوبز ڈیسک)پاکستانی اداکارہ مومنہ اقبال کی بہن رمشا اقبال نے ایک پوڈکاسٹ میں شرکت کے دوران مومنہ اقبال کی شہرت سے جڑے ایک نہایت تکلیف دہ واقعے کا ذکر کیا ہے۔رمشا اقبال کے مطابق مومنہ اقبال کے والد کا انتقال اچانک دل کا دورہ پڑنے کے باعث ہوا تھا، جس کا دکھ آج بھی پورا خاندان بھلا نہیں سکا۔انہوں نے دعویٰ کیا کہ جب مومنہ اقبال اپنے والد کو اسپتال لے کر پہنچیں تو طبی عملے کی توجہ فوری علاج کے بجائے اس بات پر مرکوز ہو گئی کہ آیا آنے والی خاتون واقعی مومنہ اقبال ہیں یا نہیں۔رمشا کے مطابق متعدد ڈاکٹرز اور عملے کے افراد مومنہ اقبال کو پہچاننے اور ان سے سوالات کرنے میں مصروف رہے، جبکہ ان کے والد کو بروقت اور مناسب طبی امداد نہیں مل سکی۔ ان کے مطابق اس واقعے میں طبی غفلت بھی شامل تھی کیونکہ مریض کے بجائے ایک معروف شخصیت کی موجودگی مرکزِ توجہ بن گئی۔
