راولپنڈی (سپورٹس ڈیسک) پاکستان اور سری لنکا کے درمیان پنڈی کرکٹ اسٹیڈیم میں جاری سیریز کے پہلے ٹیسٹ کے تیسرے روز کھیل کا آغاز ہوگیا ہے، مہمان ٹیم نے اپنی دوسری اننگز 3 وکٹوں کے نقصان پر 114 رنز سے دوبارہ شروع کی۔پاکستان کی جانب سے ثاقب خان اب تک 2 جبکہ محمد عباس ایک وکٹ حاصل کرچکے ہیں۔گزشتہ روز خراب روشنی کے باعث کھیل مقررہ وقت سے پہلے ختم کرنا پڑا تھا۔ اس وقت تک سری لنکن ٹیم 27.1 اوورز کھیل چکی تھی اور اسے پاکستان کی پہلی اننگز کی برتری ختم کرنے کے لیے مزید 320 رنز درکار تھے۔واضح رہے کہ ٹیسٹ کے دوسرے روز پاکستان نے اپنی پہلی اننگز 9 وکٹوں کے نقصان پر 434 رنز بنا کر ڈکلیئر کردی تھی۔ قومی ٹیم کی جانب سے مڈل آرڈر بلے باز سعود شکیل 93 رنز کے ساتھ نمایاں رہے تھے۔دوسرے روز کھیل کے اختتام پر پریس کانفرنس کرتے ہوئے سعود شکیل نے کہا تھا کہ سنچری مکمل نہ ہونے پر انہیں مایوسی ضرور ہوئی۔