لاہور ( سپورٹس ڈیسک)پرتگال کے معروف فٹبالر کرسٹیانو رونالڈو اور ان کی منگیتر جارجینا روڈریگز نے گھر میں سادگی سے شادی کرلی، تاہم جوڑے نے مستقبل میں اہل خانہ اور دوستوں کے ساتھ ایک بڑی تقریب منعقد کرنے کا اعلان کیا ہے۔کرسٹیانو رونالڈو اور جارجینا روڈریگز نے 11 اگست کو پرتگال میں واقع اپنے گھر کے ڈرائنگ روم میں شادی کی، جس میں ان کے بچوں کے سوا کوئی مہمان شریک نہیں تھا۔دونوں نے یہ شادی اپنی پہلی ملاقات کی 10ویں سالگرہ کے موقع پر کی۔ ان کی پہلی ملاقات 2016 میں میڈرڈ کے ایک اسٹور میں ہوئی تھی۔جارجینا روڈریگز نے برطانوی فیشن میگزین ’ووگ‘ کو انٹرویو دیتے ہوئے بتایا کہ مصروفیات کے باعث انہوں نے فوری طور پر گھر میں مختصر اور سادہ تقریب منعقد کرنے کا فیصلہ کیا۔انہوں نے کہا کہ مستقبل میں خاندان اور دوستوں کی شرکت کے ساتھ ایک شاندار شادی کی تقریب منعقد کی جائے گی تاکہ اس خوشی کو سب کے ساتھ مل کر منایا جاسکے۔جارجینا کے مطابق بچپن میں وہ ایک محل، شاہی بگھی، طویل عروسی لباس اور ہیروں سے جڑے تاج کے ساتھ بڑی شادی کا خواب دیکھا کرتی تھیں، تاہم وقت گزرنے کے ساتھ ان کی ترجیحات تبدیل ہوگئیں۔
