ممبئی( شو بز ڈیسک)بھارتی اداکارہ اور سابق بگ باس امیدوار شہناز گل نے بالی ووڈ سپر اسٹار سلمان خان کی شخصیت اور رویے کی تعریف کرتے ہوئے ان کی کئی خوبیاں بیان کی ہیں۔شہناز گل کا کہنا ہے کہ سلمان خان ایک انتہائی خیال رکھنے والے انسان ہیں، جو صرف ان کا ہی نہیں بلکہ اپنے آس پاس موجود ہر شخص کا احترام اور خیال رکھتے ہیں، جبکہ سب کو یکساں اہمیت دیتے ہیں۔اداکارہ نے سلمان خان کے ساتھ اپنے تعلق کے حوالے سے گفتگو کرتے ہوئے کہا کہ بگ باس سیزن 13 کے دوران سلمان خان نے ان کی بھرپور رہنمائی کی، تاہم ان کی حمایت ہمیشہ حقیقت اور سچائی پر مبنی رہی۔شہناز گل کے مطابق انہیں ایک وقت پر محسوس ہوتا تھا کہ شاید وہ سلمان خان کی پسندیدہ امیدوار ہیں، لیکن بعد میں انہیں اندازہ ہوا کہ سلمان خان ہمیشہ درست بات کا ساتھ دیتے ہیں۔ اگر ان سے کوئی غلطی ہوتی تو سلمان خان انہیں سمجھانے کے ساتھ ساتھ ڈانٹ بھی دیتے تھے۔انہوں نے مزید کہا کہ سلمان خان ایک بہترین میزبان ہیں جو اپنے اردگرد موجود ہر فرد کے ساتھ محبت، عزت اور خلوص سے پیش آتے ہیں۔
