میکسیکو ( سپورٹس ڈیسک) فٹبال عالمی کپ 2026 کے ایک میچ میں جنوبی کوریا کی قومی فٹبال ٹیم نے شاندار کارکردگی کا مظاہرہ کرتے ہوئے چیک جمہوریہ کی قومی فٹبال ٹیم کو ایک کے مقابلے میں دو گول سے شکست دے دی۔میچ کے پہلے ہاف میں دونوں ٹیمیں کوئی بھی گول نہ کر سکیں اور مقابلہ برابر رہا۔ دوسرے ہاف کے آغاز میں چیک جمہوریہ نے پہلا گول کر کے برتری حاصل کی، تاہم جنوبی کوریا نے بہترین کم بیک کرتے ہوئے مسلسل دو گول اسکور کر کے میچ کا پانسہ پلٹ دیا۔جنوبی کوریا کی جانب سے فیصلہ کن گول سترویں منٹ میں وانگ ای بیوم نے کیا، جس کے بعد ٹیم نے اپنی برتری برقرار رکھتے ہوئے فتح اپنے نام کر لی۔ یہ کامیابی جنوبی کوریا کے لیے ٹورنامنٹ میں ایک اہم پیش رفت قرار دی جا رہی ہے۔
