ڈیلس( سپورٹس ڈیسک) فیفا ورلڈکپ 2026 کے پہلے سیمی فائنل میں اسپین نے شاندار کارکردگی کا مظاہرہ کرتے ہوئے فرانس کو 0-2 سے شکست دے کر فائنل میں رسائی حاصل کرلی۔ڈیلس میں کھیلے گئے دلچسپ مقابلے میں اسپین کی ٹیم ابتدا سے ہی فرانس پر دباؤ برقرار رکھنے میں کامیاب رہی اور بہترین حکمت عملی کے باعث کامیابی اپنے نام کی۔اسپین کی جانب سے پہلا گول 24ویں منٹ میں اویرزابال نے پینلٹی کے ذریعے کیا، جبکہ 58ویں منٹ میں پیڈرو پورو نے گیند کو جال میں پہنچا کر ٹیم کی برتری کو مزید مضبوط بنا دیا۔اس کامیابی کے ساتھ اسپین نے 16 سال بعد ایک مرتبہ پھر ورلڈکپ فائنل میں جگہ بنالی ہے۔ اسپین نے آخری بار 2010 میں فائنل کھیلا تھا، جہاں وہ پہلی مرتبہ عالمی چیمپئن بننے میں کامیاب ہوا تھا۔ یہ ورلڈکپ تاریخ میں اسپین کا دوسرا فائنل ہوگا۔دوسری جانب فرانس کا مسلسل تیسری بار ورلڈکپ فائنل کھیلنے کا خواب ادھورا رہ گیا اور اسے سیمی فائنل میں ہی ایونٹ سے باہر ہونا پڑا۔اب فیفا ورلڈکپ 2026 کا دوسرا سیمی فائنل ارجنٹینا اور انگلینڈ کے درمیان کھیلا جائے گا، جس کی فاتح ٹیم فائنل میں اسپین کا سامنا کرے گی۔
